HOME | Gespaant

Divers

Bont

Individuell

Gespaant.lu

fir Zeremonien déi erausstiechen

Wat bidden ech un?

Ob Hochzäiten, Trauerfeieren oder aner wichteg Momenter am Liewen, als ären Zeremoniemeeschter kreéieren ech Erënnerungen déi beweegen.

Är Zeremonie

Egal mat weem dir frou sidd, egal un wat dir (net) gleeft, dir hutt dat Recht op en Maximum u Wuelbefannen bei ärer Feier.

Mat Häerz

Gefillvoll, oppen a mat deem besonneschen Touch. Feieren, wou jidereen matgeduecht gëtt.

Op d'Mooss

Mir gestalten zesummen de richtege Package fir Iech, ugepasst un är Besoinen an Méiglechkeeten.

Wéi leeft dat of?

No engem Kennenléiergespréich, setzen mer d'Rumm fest, an wéivill Ënnerstëtzung dir Iech vu mir wënscht:

Ech halen eng op Ierch zougeschnidden Zeremonie.
Dir wëllt ären ganzen Event vun vir bis hannen begleet hunn.
Dir hutt schonn ee gudden Plang, mee wëllt Berodung bei eenzelnen Punkten, fir ärt Fest nach besser ze machen.

An der Plannung huelen ech mer Zäit fir Iech nach besser kennen ze léieren, fir är Zeremonie passend ze (beg)-leeden.

Wat soll déi Zeremonie eenzegarteg maachen?
Op waat fir eng Ëmstänn wëllen mer besonnesch Rücksicht huelen?
Organisatioun an Oflaaf vunn der Zeremonie.

Um Dag selwer däerf ech dann ganz d'Roll vum Zeremonienmeeschter iwwerhuelen fir Iech an äre Gäscht en onvergiesslecht Erliefnis ze bidden.

Artemisia Berrend

Hien/Hat
'78er Joergang
Erzéiher an Coach

Liebt Danzen

Wien a wat stecht hannert gespaant.lu?

Selwer queer an neurodivergent, huet et mech schonn oft gewuermt, dat vill Fester wéi Hochzäiten, Trauerfeieren an soss "rites de passage" vill Mënschen aussen fir loossen. (An niewebäi och nach oft zimmlech langweileg nom Schema X oflaafen.) Dat muss net sinn. Grad ärt eegent Fest, sollt dir genee sou feieren kënnen, wéi dir tickt. Dofir dësen Härzensprojet. Dofir gespaant.lu. Fir Furwëtzeger: Mäin aneren Projet heescht iwwregens entspaant.lu.

U wien riicht sech dëss Offer?

Mënschen ënnert dem LGBTQIA+ Prabbeli: Lesbesch, Schwul, Bi, Trans, Queer, Intersex, Asexuel, Polyamouréis, Net-binär... eegal wéi der Iech identifizéiert an zu weem der Iech (net) higezunn spiert.

Jiddereen deen mat den firherrschenden reliéisen Zeremonien näischt ufänken kann oder wëll.

All Mënsch, deem seng Neuronen nu mol eben anescht funktionéieren, wéi dem Duerschnëtt:
Diagnostizéiert oder net, ADH(S), Autismus - Spektrum, Suchtkrankheeten, Depressiounen, ... ginn bei villen Fester net mat geduecht. Hei schonn!